ශ්‍රී ලාංකේය බෞද්ධ උරුමය : තර්ජන අභියෝග හා අනාගතය

ශ්‍රී ලංකා බෞද්ධ හා පාලි විශ්වවිද්‍යාලයේ පුරාවිද්‍යා අධ්‍යයන අංශය සහ Archaeology.lk වෙබ් අඩවිය එක්ව සංවිධානය කරනු ලබන ලාංකේය බෞද්ධ උරුමය තර්ජන අභියෝග හා අනාගතය මැයෙන් වන ශාස්ත්‍රීය සම්මන්ත්‍රණය 2020 සැප්තැම්බර් මස 24 වන දින උදෑසන 9 සිට සවස 4 දක්වා බෞද්ධ හා පාලි විශ්වවිද්‍යාල පරිශ්‍රයේ දී පැවැත්වීමට නියමිත ය.


ඓතිහාසික හා පුරාවිද්‍යාත්මක සාධකවලට අනුව මෙරට මහා සංස්කෘතිය බෞද්ධ පදනම මත ගොඩනැගුණකි. ඒ නිසා ම සියවස් ගණනක් තුළ වෙනත් ආගමික හා සංස්කෘතික කණ්ඩායම්වලට ද නොබියව සිය පැවැත්ම තහවුරු කර ගැනීමේ අවස්ථාව සැලසී තිබේ. එබැවින් බෞද්ධ උරුමයේ ආරක්ෂාව අනෙකුත් සංස්කෘතික කණ්ඩායම්වල ආරක්ෂාව ද වන්නේ ය. අවාසනාවකට මෙන් දශක කිහිපයක් තුළ බෞද්ධ උරුමයට එරෙහි බලවේගවල ක්‍රියාකාරීත්වය බෙහෙවින් වර්ධනය වෙමින් පවතී. ශාස්ත්‍රීය හා අශාස්ත්‍රීය යන දෙඅංශයෙන් ම මේ බලපෑම් ඉස්මතුව තිබීම දැඩි අවධානයට ලක් විය යුත්තකි. ඒ විනාශකාරී ක්‍රියාකාරීත්ව බාහිරව මෙන් ම අභ්‍යන්තරිකව ද සක්‍රීයව පැවතීම බෞද්ධ උරුමයෙහි අනාගත පැවැත්මට කිසිසේත් හිතකර වන්නක් නොවේ.
එබැවින් මෙරට බෞද්ධ උරුමය මුහුණ දෙමින් සිටින විවිධ තර්ජන හා අභියෝග පිළිබඳ අවධානය යොමු කරවීමත්, ඒ සම්බන්ධයෙන් මැදිහත් විය හැකි ආකාරය පිළිබඳ සාකච්ඡාවක් ඇති කරවීමත් මෙම සම්මන්ත්‍රණයේ මුඛ්‍ය අරමුණු වෙයි. බෞද්ධ උරුමය යන්න පුලුල් තේමාවක් වන බැවින් එහි ඓතිහාසික හා පුරාවිද්‍යාත්මක අංශය කෙරෙහි වැඩි අවධානයක් යොමු කරවනු ලැබේ.

මෙම සම්මන්ත්‍රණයේ මුඛ්‍ය දේශනය පවත්වනු ලබන්නේ ‘බෞද්ධ උරුම සංරක්ෂණය උදෙසා විද්වතුන්ගේ කාර්යභාරය’ මැයෙන් ආචාර්ය ගාමිණී විජේසූරිය විසිනි. උරුමයේ විවිධත්වය, උරුම විනාශය, උරුම සංරක්ෂණය, ස්ථානීය අනන්‍යතා විකෘතිකරණය හා උරුම ආක්ෂණය කෙරෙහි ජාතිකවාදී දැක්මක අවශ්‍යතාව වැනි විවිධ අංශ ආවරණය කෙරෙන දේශන දේශන පහකින් සම්මන්ත්‍රණය සමන්විත වනු ඇත. සැම සැසියක් අවසානයේ ම සාකච්ඡා වාරයක් බැගින් වන අතර, සහභාගි වන ඕනෑම අයෙකුට සිය අදහස් විවෘතව ඉදිරිපත් කිරීමට අවස්ථාව සැලසෙයි.


       


දැනට රට තුළ පවතින වාතාවරණය හේතු කොට ගෙන සම්මන්ත්‍රණයට සහභාගි කරවා ගත හැකි පිරිස දෙසියයකට සීමා කෙරෙනු ඇත. සිය සහභාගීත්වය ලියාපදිංචි කිරීම Archaeology.lk වෙබ් අඩවියෙහි මේ වන විටත් ආරම්භ කර තිබේ. ඒ අනුව ලියාපදිංචි වීමේ ප්‍රමුඛතාව මත එම අවස්ථාව හිමි වන බව දන්වා සිටිනු කැමැත්තෙමු. සහභාගිවන සියල්ලන් සඳහා සම්මන්ත්‍රණය අවසානයේ සහතික පත්‍රයක් ද පිරිනැමෙනු ඇත.

මෙම ශාස්ත්‍රීය සම්මන්ත්රණය සඳහා පහත දැක්වෙන පෝරමය පුරවා ලියාපදිංචි විය හැක. https://bit.ly/3gI2f6w

ලාංකේය බෞද්ධ උරුමය තර්ජන අභියෝග හා අනාගතය මැයෙන් වන මෙම සම්මන්ත්‍රණය සංවිධානය වනුයේ ශ්‍රී ලංකා බෞද්ධ හා පාලි විශ්වවිද්‍යාලයේ මහෝපාධ්‍යයායන් වහන්සේගේත්, බෞද්ධ අධ්‍යයන පීඨයේ පීඨාධිපතිතුමන්ගේත් පූර්ණ ආශිර්වාදයෙනි. එය සාර්ථක කර ගැනීම පිණිස ඔබ සියල්ලන්ගේ බුද්ධිමය දායකත්වය බෞද්ධ හා පාලි විශ්වවිද්‍යාලයේ පුරාවිද්‍යා අධ්‍යයන අංශයත්, Archaeology.lk කණ්ඩායමත් ඉත සිතින් අපේක්ෂා කරයි.

මාධ්‍ය සාකච්ඡා


Upcoming Events

Jul

21

21 Jul - 29 Aug
විභාග කාලසටහන - ශාස්ත්‍රවේදී (සාමාන්‍ය) බාහිර උපාධි පාඨමාලාව - 2022/2023 - ii පර්‍රක්ෂණය
2025 අගෝස්තු 18 දින සිට ආරම�...

Jul

20

20 Jul - 31 Jul
සංශෝධනය කළ කාලසටහන/ amended timetable - first year first semester examination - july, august 2025
පළමු වසර පළමු සමාසික ප�...

Jul

16

16 Jul - 08 Aug
විශ්වවිද්‍යාල ප්‍රවේශය (දේශීය අභ්‍යන්තර සිසුන් සඳහා) / university admission - academic year 2025/2026
ශ්‍රී ලංකා බෞද්ධ හා පා�...

Jul

14

14 Jul - 25 Jul
විභාග ප්‍රතිඵල හා ශ්‍රේණි නැවත සමීක්ෂණය කිරීම/ re-scrutinization of marks and grades
2025.07.04 දින නිකුත් කළ 2024 නො�...

Jul

14

14 Jul - 31 Jul
Invitation for bids obtaining cleaning service for the year 2025/2026
The Chairman, Department Procurement Committee, Buddhist and...

Jul

07

07 Jul - 10 Jul
ප්‍රතිඵල නිකුත් කිරීම/ issuing results (third year first semester examination) november-december, 2024
2024 නොවැම්බර් සහ දෙසැම්�...

Exam Results
See latest exam results