ශ්‍රී ලංකා බෞද්ධ හා පාලි විශ්වවිද්‍යාලයේ දෙවන සමාසිකයට අදාළ අධ්‍යයන කටයුතු 2023.01.23 දින සිට මාර්ගගත ව නැවත ආරම්භ කරන ලදී. එහෙත් එම දේශන සඳහා සම්බන්ධ වන සිසුන්ගේ අඩුවක් පවතින බැවින් ඒ පිළිබඳ සොයාබැලීමේ දී අනාවරණය වූයේ ඇතැම් කඩාකප්පල්කාරී සිසුන් විසින් සිසුන්ට දේශනවලට සහභාගී නොවන ලෙස බියවැද්දීම් හා තර්ජනය කිරීම් සිදුකරනු ලබන බවයි. මෙලෙස තර්ජනය කිරීම් හා බියවැද්දීම් සිදුකරනු ලබන සිසුන් කිහිපදෙනෙකු මේ වන විට හඳුනාගෙන ඇති අතර එය ශිෂ්‍ය විනය යටතේ සහ 1998 අංක 20 දරන අධ්‍යාපන ආයතනවල නවක වදය හා වෙනත් ස්වරූපයේ සාහසික ක්‍රියා තහනම් කිරීමේ පනත යටතේ දඬුවම් ලැබිය හැකි වරදකි.
2023.01.16 දින පැවති විශේෂ පාලක සභාවේ දී ගන්නා ලද තීරණය පරිදි 2023.01.30 දින සිට ශ්‍රී ලංකා බෞද්ධ හා පාලි විශ්වවිද්‍යාලයේ ශිෂ්‍ය සංගමය තාවකාලික ව තහනම් කොට ඇත. එබැවින්, ශිෂ්‍ය සංගමය හෝ වෙනත් සංගමයක් විශ්වවිද්‍යාලය විසින් පිළි නොගන්නා බව මෙයින් දන්වා සිටිමි.
ඒ අනුව, මාර්ගගත දේශන සඳහා සහභාගීවන සිසුන්ට ඒ සඳහා සම්බන්ධ නොවන ලෙස කිසිදු ශිෂ්‍යයෙකු විසින් බලපෑමක්, තර්ජනයක් හෝ බියවැද්දීමක් සිදු නොකරන ලෙස තරයේ අවවාද කරමි.
තවදුරටත් කිසියම් ශිෂ්‍යයෙකු හෝ කණ්ඩායමක් විසින් එවැනි කටයුතු සිදු කරන්නේ නම් ඒ සම්බන්ධයෙන් දැඩි විනය ක්‍රියාමාර්ග අනුගමන කරන බව මෙයින් දන්වා සිටිමි.
මහාචාර්ය පූජ්‍ය නෙලුවේ සුමනවංස නායක ස්ථවිර
මහෝපාධ්‍යායයන් වහන්සේ
2023.02.06
Buddhist and Pali University of Sri Lanka